សមត្ថកិច្ចអាវុធហត្ថបញ្ជូនជនសង្ស័យករណីគ្រឿងញៀន០៩ នាក់ទៅតុលាការ
30-March-2016 | ដោយ មែន កំសត់
សៀមរាប៖ នៅថ្ងៃទី២៩ ខែមីនា ឆ្នាំ២០១៦ កម្លាំងកងរាជអាវុធហត្ថ ខេត្តសៀមរាប បានបញ្ជូនជនសង្ស័យចែកចាយ និងប្រើប្រាស់គ្រឿងញៀនចំនួន៩នាក់ ទៅតុលាការ ដែលសមត្ថកិច្ចឃាត់ខ្លួនបានជាបន្តបន្ទាប់ កាលពីយប់ថ្ងៃទី២៨ ខែមីនា ឆ្នាំ២០១៦នោះ។
លោកអនុសេនីយ៍ឯក ធាវ ច័ន្ទតារា នាយការិយាល័យប្រឆាំងគ្រឿងញៀនកងរាជអាវុធហត្ថខេត្ត បានឲ្យដឹងថា ជនសង្ស័យដែលឃាត់ខ្លួនឈ្មោះ សែន វិសេស អាយុ២០ឆ្នាំ, ឈ្មោះទួន សុភក្រ័អាយុ៣៥ឆ្នាំ, ឈ្មោះភ័ណ្ឌ គង់អៀង អាយុ១៥ឆ្នាំ, ឈ្មោះ គ្រុយ ម៉េងស័រ អាយុ១៦ឆ្នាំ, ឈ្មោះសារ៉ាក់ សុភ័ក្រអាយុ១៧ឆ្នាំ, ឈ្មោះហេង សំណាងអាយុ១៧ឆ្នាំ, ឈ្មោះតូច ភក្តីអាយុ១៧ឆ្នាំ, ឈ្មោះចាន់ រស្មី អាយុ១៥ឆ្នាំ និងឈ្មោះឡាច ចាន់រ៉ាអាយុ១៧ឆ្នាំ ទាំង៩នាក់រស់នៅខេត្តសៀមរាប។
លោកបន្តថា ក្នុងពេលចាប់ខ្លួនរឹបអូសយកវត្ថុតាងម្សៅគ្រើមម៉ាទឹកកកចំនួន១៦ កញ្ចប់ ទម្ងន់១៤.៦ក្រាម ទូរស័ព្ទ៩គ្រឿង, ម៉ូតូ២គ្រឿង និងសម្ភារៈសំរាប់ជក់ និងវេចខ្ចប់មួយចំនួនទៀត។ ជនសង្ស័យបានកសាងសំណុំរឿងបញ្ជូនទៅសាលាដំបូង នៅថ្ងៃទី២៩ខែមីនា ដើម្បីចាត់ការតាមច្បាប់៕
ចំនួនអ្នកទស្សនា
- ថ្ងៃនេះ11571
- ម្សិលមិញ15681
- សប្តាហ៍នេះ70411
- ខែនេះ92291
- ឆ្នាំនេះ92291
- សរុប20534747